RU

Карантин күшейтілді: Алматыда сауда орталықтары мен мейрамханалар қалай жұмыс істейді

Тәжвирус1
Көрнекі фото: NUR.KZ/Петр Карандашов

Алматы қаласы бүгін коронавирус бойынша "қызыл" аймаққа өтті. Оңтүстік астананың бас санитар дәрігері бұл жағдайға орай, карантинге қатысты жаңа қаулыға қол қойды деп жазады KAZ.NUR.KZ.

Құжатқа сәйкес, мейрамхана, кафе және кофехана түріндегі қоғамдық тамақтану объектілері үй-жайдың ішінде жұмыс күндері 7.00 ден 20.00 дейін толтырылуы 50%-ға дейін, бірақ 30 орыннан асырмай жұмыс істейді. Сенбі және жексенбі жұмысына тыйым салынады, тек қана алып шығу және жеткізуге рұқсат беріледі.

Мейрамханалардың жазғы алаңдарының жұмыс уақытына өзгеріс енгізілді. Ashyq қатысушылары түнгі екіге дейін, ал жобаға қатыспаған мейрамханалар тек сағат 22:00-ге дейін жұмыс істей алады.

  • Жазғы алаңдар, толтырылуы 50%-ға дейін, бірақ 50 орыннан асырмай сағат 07.00 ден 22.00 дейін жұмыс істеуіне рұқсат.
  • Сән орталықтары мен салондары, шаштараз, косметология қызметін көрсететін маникюр мен педикюр қызметтері (жазылу бойынша) алдын ала жазылу бойынша рұқсат;

Сауналар, СПА орталықтары, бассейндер, спорт кешендері, спорт-сауықтыру орталықтары және йога орталықтарын қоса алғанда фитнес-орталықтары сенбі, жексенбі күні жұмыс істемейді.

ХҚКО сағат 9.00 ден 18.00-ге дейін уақыт бойынша шектеумен, халықтың тұруы бойынша қызметтер көрсету саласындағы ұйымдар (қонақ үйлер, қонақ үйлер, санаторий-курорт ұйымдары, демалыс үйлері/база, турист базалары және т. б.) толтырылуы 80% дан аспайтын кезде рұқсат;

Банктер, «Қазпошта» АҚ бөлімшелері 9.00 ден 18.00-ге дейін уақыт бойынша шектеумен жұмыс істейді;

Сонымен қатар:

  • СОСО, сауда үйлері, сауда желілері вакцинация пунктінің бар-жоғына қарамастан жұмыс күндері сағат 17.00-ге дейін (сенбі, жексенбі күндері тыйым салынады);
  • Үй-жайдағы ойын-сауық, бұқаралық іс-шаралар, конференциялар, форумдар, отбасылық, естелік іс-шаралар (той, мерей-той, ас беруді өткізу) тыйым салынады;
  • Түнгі және ойын клубтарының жұмыс істеуіне рұқсат етілмейді.
  • Ashyq жобасына қатыспайтын нысанда көрермендері бар спорт іс-шараларды өткізуге тыйым салынды.
  • Ashyq жобасына қатыспайтын мәдени объектілердің, жеке, топтық дайындықтарды қоса алғанда кинотеатрлардың, театрлардың, концерт залдарының, филармониялардың қызметіне рұқсат жоқ:

Жаңа шектеулер 28 маусымнан бастап күшіне енеді. Құжатпен толықтай мына сілтеме бойынша танысуға болады.

Мақаланың түпнұсқасы: https://kaz.nur.kz/society/1919619-karantin-kuseitildi-almatyda-sauda-ortalyqtary-men-meiramxanalar-qalai-zumys-isteidi/