RU

Қазақстанның вакцина паспорты қай елдерде мойындалады

Екпе
Көрнекі сурет: NUR.KZ / Петр Карандашов

Денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова Қазақстанның вакцина паспортын мойындайтын елдерді атады деп хабарлайды Sputnik Қазақстан.

"Бүгінде біздің паспортымыз Таиланд, Моңғолия, Венгрия, Қырғызстан, Кипр, Грузия және Түркияда мойындалады. Паспорттарды өзара мойындау бойынша келіссөз жүргізіп жатырмыз", - деді ол брифингте.

Сондай-ақ, айтуынша, вакцина паспортын ЕАЭО аясында мойындау бойынша келіссөздер басталды.

Бұған дейін америкалық "Pfizer" вакцинасы Қазақстанға осы жылдың 4-ші тоқсанында жеткізілетіні хабарланды. Осыған байланысты ел үкіметі 12 жасқан асқан балаларға "Pfizer" вакцинасын салуды жоспарлап отыр.

Мақаланың түпнұсқасы: https://kaz.nur.kz/society/1922808-qazaqstannyn-vakcina-pasporty-qai-elderde-moiyndalady/