Қазақстанға вакцинаның тағы 8 миллион дозасы жеткізіледі
Опубликовано:
Қазақстанда вакциналауға жататын халықтың 40%-ға жуығы екпе алды. Алдағы уақытта елімізге тағы 8 миллион доза вакцина жеткізіледі. Бұл туралы денсаулық сақтау министрі Алексей Цой мәлімдеді деп хабарлайды Sputnik Қазақстан.
"Министрлік 4 миллион адамға 8 миллион доза вакцинаны қосымша жеткізуге келісімшарттар бекітті. Олар кестеге сай жеткізіледі. Осыған байланысты республикада вакцина жеткілікті көлемде", - деді Цой үкімет отырысында.
Айтуынша, қазіргі кезде 9,4 миллион доза пайдаланылған. Оның ішінде 1-ші компонент 5 480 094 адамға егілді, бұл вакциналауға жататын халықтың 55,4%-ін құрайды.
Екінші компонентті 3 941 941 адам немесе вакциналануға тиіс тұрғындардың 39,8%-і алды.
Айта кетейік, республика бойынша коронавирусқа қатысты жағдай ушығуда. Өткен тәулікте COCID-19 жұқтырған тағы 7481 адам тіркелді. Осылайша, қазіргі уақытта Қазақстанда қауіпті індет анықталғандар саны 595 433-ке жетіп отыр.
Мақаланың түпнұсқасы: https://kaz.nur.kz/society/1925246-qazaqstanga-vakcinanyn-tagy-8-million-dozasy-zetkiziledi/