Атырау облысында мектепке "бомба қойған" жігіт қамауға алынды

Атырау облысында мектепке "бомба қойған" жігіт қолға түсті деп хабарлайды Қазақпарат.

Атырау облыстық полиция департаменті баспасөз қызметі ұсынған ақпаратқа сәйкес, кеше, 3 тамызда 102 операторына "Индербор кентінде орналасқан мектептердің бірінде жарылғыш зат бар" деген хабар түскен.

Тәртіп сақшылары жедел іздестіру іс-шарасын жүргізіп, күдіктіні анықтады.

Ол Индер ауданының орталығы – Индербор кентіне қонаққа келіп, жалған ақпарат берген Батыс Қазақстан облысының 29 жастағы тұрғыны.

Қазіргі уақытта жалған ақпарт берген күдіктіге қатысты Қазақстан Республикасы Қылмыстық кодексінің 273-бабымен тергеу жүргізіліп жатыр.

Күдіктінің уақытша ұстау изоляторына қамауға алынғаны белгілі болды.