Ақмола облысында полиция кісі өлтірген болуы мүмкін күдіктінің суретін жариялады
Опубликовано:
Ақмола облысы полиция департаменті кісі өліміне күдіктіге іздеу салды деп хабарлайды KAZ.NUR.KZ тілшісі.
Ведомствоның ақпаратынша, 27 жастағы Руслан Назмиевке іздеу салынған. Ол кісі өлтірді деген күдікке ілінген. Ресей Федерациясының азаматы. Ақмола облысы Есіл қаласында өмірге келген. Ұлты - татар, бұрын сотталған.
Күдіктінің ерекше белгілері: бойы - 185 сантиметр, орта денелі, беті сопақша келген, қараторы, көзі қоңыр, тік мұрынды, қысқа қара шашты.
"Күдіктінің мекен-жайы туралы қандай да бір ақпарат білетіндерден көрсетілген нөмірге хабарласуларын сұраймыз: 8 (7162) 29-10-09, 29-11-14, 8 776 110 65 65 немесе 102", - деді Ақмола облысы полиция департаменті.
Мақаланың түпнұсқасы: https://kaz.nur.kz/society/1925699-aqmola-oblysynyn-policiyasy-kisi-oltirgen-boluy-mumkin-kudiktinin-suretin-zariyalady/