RU

Қызылорда облысында әкімнің "делдалы" 6 жылға сотталды

Сот балғасы
Көрнекі фото: piqsels.com

Қызылорда облысында аудан әкімдігінің аппарат басшысы лауазымын көздеген қызылордалықтан 3 млн теңгесін алдап алған күдіктіге сот үкімі шықты деп хабарлайды ҚазАқпарат.

Бұл туралы Сыбайлас жемқорлыққа қарсы іс-қимыл агенттігінің аса маңызды істер жөніндегі тергеушісі Данияр Бегайдаров ANTIKOR News ақпарат алаңында айтты.

"А.И. Сыздықов Қызылорда облысының тұрғынынан жалпы сомасы 3 млн теңге алдап алған. Бұл ақшаны ол Шиелі ауданы әкіміне пара ретінде "беріп", қаражат иесін аудан әкімдігінің аппарат басшысы етіп тағайындауға қамқорлық жасаймын деп сендірген", – дейді агенттік өкілі.

Сот процесінде кінәсі дәлелденген күдікті 6 жылға бас бостандығынан айырылды.

Тағы бір іс бойынша, Ақтау қалалық соты Ақтау қаласы Мемлекеттік кірістер басқармасының жанама салықтарды әкімшілендіру бөлімінің басшысын өмір бойы мемлекеттік қызмет атқару құқығынан айырып, 30 млн теңге мөлшерінде айыппұл салды.

Данияр Бегайдаровтың айтуынша, ол жауапкершілігі шектеулі серіктестік директорынан шотына қойылға бұғатты алып тастағаны үшін 2 млн теңге сомасында пара алған.

Еске сала кетейік, Батыс Қазақстан облысы полиция департаменті патрульдік полиция батальонының аға инспекторы пара алғаны үшін сотталған еді.

Сонымен қатар, ведомство өкілдері сотта Орал полиция басқармасының қызметкеріне, сондай-ақ, БҚО эконимикалық тергеу департаментінің екі қызметкеріне қатысты алаяқтық және пара беруге итермелеу фактісі бойынша қылмыстық іс қаралып жатқанын жазған едік.

Мақаланың түпнұсқасы: https://kaz.nur.kz/society/1926002-qyzylorda-oblysynda-akimnin-deldaly-6-zylga-sottaldy/