RU

Асқар Мамин қазақстандық құрылысшыларды кәсіби мерекелерімен құттықтады

Асқар Мамин
Асқар Мамин. Фото: primeminister.kz

Қазақстан премьер-министрі Асқар Мамин қазақстандық құрылысшыларды кәсіби мерекелерімен құттықтады деп хабарлайды primeminister.kz.

"Құрметті құрылыс саласының қызметкерлері! Сіздерді кәсіби мерекелеріңіз – Құрылысшылар күнімен құттықтаймын.

Сіздердің мамандықтарыңыз қоғам өміріндегі ең құрметті және аса сұранысқа ие мамандық.

Сіздер өнеркәсіптік және әлеуметтік нысандар, тұрғын үйлер салып, еліміздің инженерлік және көлік инфрақұрылымын дамытуға зор үлестеріңізді қосып келесіздер.

Сіздердің қажырлы еңбектеріңіз тұрмыс сапасын арттыруға және барлық қазақстандықтың жарқын болашағын қамтамасыз етуге жол ашады.

Бүгінде құрылыс секторы экономиканың негізгі драйверлерінің бірі. Қазақстанның әлеуметтік-экономикалық дамуының ауқымды міндеттерін жүзеге асыру сіздердің кәсіби шеберліктеріңіз бен өз істеріңізге деген сүйіспеншіліктеріңізге байланысты.

Ерен еңбектеріңіз үшін шынайы ризашылығымды білдіремін. Құрылыс саласының барлық қызметкеріне зор денсаулық, шаңырақтарына шаттық, еңбектеріне толағай табыс тілеймін!", – делінген құттықтауда.

Еске салсақ, бұған дейін BI Group инновациялық құрылыс компаниясы Отаны, қызметкерлері, серіктестері мен тұтынушылары үшін тер төгіп жүрген барлық әріптестерін кәсіби мерекелерімен құттықтаған болатын. Құрылыс саласының өкілдеріне еңбектері үшін алғыс айтылды.

Мақаланың түпнұсқасы: https://kaz.nur.kz/society/1926101-asqar-mamin-qazaqstandyq-qurylyssylardy-kasibi-merekelerimen-quttyqtady/