290 500 теңге иемденген: Таразда жиырма бір жастағы алаяқ қыз ұсталды

Тараз қаласының полицейлері 21 жастағы алаяқ қызды қолға түсірді деп хабарлайды Polisia.kz.

Қалалық Полиция басқармасына облыс орталығының тұрғыны - 44 жастағы әйел адам хабарласып, белгісіз адам оның телефонына қоңырау шалып, автокөлігіне 290 500 теңге көлемінде айыппұл салынғанын айтып, сеніміне кіріп, алдау жолымен ақша аудартып алғанын айтып шағымданған.

Жедел-іздестіру іс-шаралары барысында полиция қызметкерлері Тараз қаласының 21 жастағы тұрғынын анықтады. Күдікті ару өз кінәсін толық мойындады.

Аталған дерекке қатысты ҚР ҚК 190-бабы (Алаяқтық) бойынша сотқа дейінгі тергеу амалдары басталды.

Қазіргі уақытта күдіктінің басқа ұқсас қылмыстарға қатысы бар-жоғы тексерілуде.