"Футболка киюге болмайды": Алматы білім басқармасы мектепте қандай киім кию керектігін айтты

Алматы қалалық білім басқармасының басшысы Ләззат Жылқыбаева жаңа оқу жылында мектеп формасы қандай болуы керегін жеткізді деп хабарлайды Қазақпарат.

Оның сөзінше, биыл балаларға мектеп формасын ғана емес, ата-ана жағдайы болмаса классикалық үлгіде киінуге рұқсат берілген.

"Мектеп формасы бойынша, ең бастысы ұқыпты классикалық киім кисе болғаны. Шалбар қара-қоңыр, жейде ашық түсті. Футболка киюге болмайды. Тек жейде кию қажет. Аяқкиімге тыйым жоқ. Балаға туфли алуға ата-ананың жағдайы болмаса, бала кеды немесе мокасинмен жүре алады", - деді Ләззат Жылқыбаева.

Айта кетейік, оңтүстік астанада 278 жалпы білім беретін мектеп бар, оның 207-сі мемлекеттік, 71-і жекеменшік. Тағы 8 жекеменшік мектептің 1 қыркүйекте ашылатыны белгілі болды.