Қазақстанда мұғалімдерге балалар оқулығын өз бетінше таңдауға рұқсат етіледі

Білім және ғылым министрі мұғалімдердің республикалық тамыз конференциясында мұғалімдерге мектеп оқушыларын оқыту үшін ең тиімді оқулықтарды таңдау құқығы берілетінін айтты деп хабарлайды KAZ.NUR.KZ.

Асхат Аймағамбетов бүгінде бірыңғай оқулықтар бар екенін айтты. Олар гимназиялар, лицейлер мен жалпы білім беретін мектептерде бірдей оқылады, яғни білім беру мекемесінің бейіні ескерілмеген.

Дегенмен, министрлік мұғалімдерге тиімді білім беру бағдарламасын өз бетінше таңдау құқығын беруге ниетті.

"Біз 1-ден 11-ші сыныпқа дейінгі оқулықтардың баламасы туралы айтып отырмыз. Мұны өте маңызды деп санаймыз және олардың пікірінше ең тиімді оқулықтарды мұғалімдердің өздері таңдауын қамтамасыз ету маңызды. Бұл норма бұл мәселені шешуге, оның ішінде мұғалімдердің қажеттіліктерін ескере отырып, тапсырыс беруге мүмкіндік береді. Жұмыс жүріп жатыр", – деді білім және ғылым министрі.

Бұл ретте ол Қазақстан тарихы мен әлемдік тарих бойынша біркелкі оқулықтар сақталғанын атап өтті.

Сонымен қатар, білім және ғылым министрі Асхат Аймағамбетов мектеп директорларының жалақысын көтеруге қатысты жоспарлар туралы айтқан болатын.

"...Бізде мектеп директорының жалақысы мұғалімдердікіне қарағанда төмен болатын жағдайлар жиі кездеседі. Бұл әртүрлі қауіп тудырады. Сондықтан білім және ғылым министрлігі біздің мектептерімізде директорларға жалақы төлеу жүйесіне өзгеріс, сонымен бірге әртүрлі ұйымдар үшін еңбек ақыны төлеуді саралау енгізуді жоспарлап отыр", – деді Аймағамбетов.