RU

Алматыда теміржол қызметкерін өлтірмек болған күдікті ұсталды

Қару
Көрнекі фото: Көліктегі ПД баспасөз қызметі

Алматы қаласының 34 жастағы тұрғыны теміржол қызметкерін өлтірмек болды деген күдікке ілінді. Бұл туралы көліктегі полиция департаментінің баспасөз қызметі хабарлады деп жазады KAZ.NUR.KZ.

Оқиғаның мән-жайын көліктегі полиция департаментінің бастығы Оңал Бекеев баяндады.

"2021 жылғы 26 шілдеде Алматы-1 станциясындағы Желілік полиция басқармасының кезекші бөліміне белгісіз адамның "Н" есімді азаматты өлтірмек болып, оқ атқаны туралы хабарлама түсті.

Жедел-іздестіру шаралары барысында күдікті адам анықталып, ұсталды. Сондай-ақ, қылмыс құралы болған – "Наган" жүйесінің револьвері тәркіленіп алынды. Қазіргі уақытта аталған факті бойынша сотқа дейінгі тергеу амалдары жүргізілуде", - дейді полиция генерал-майоры.

Айта кетейік, осыған дейін Сәтбаев қаласында белгісіз біреу түнде 41 жастағы қала тұрғынын атып кеткенін жазған едік. Алған жарақаты салдарынан ер адам көз жұмды.

Аталған факті бойынша Қылмыстық кодекстің 99- бабы (Адам өлтіру) бойынша қылмыстық іс тіркелді.

Оқиға орнында Қарағанды облысы полиция департаментінің және Сәтбаев қаласының полиция басқармасының жедел-тергеу топтары жұмыс істеп жатыр. Қылмыстың түрлі нұсқалары тексерілуде.

Одан бөлек, Тараз тұрғыны кафе алдында ер адамды пышақтап кеткенін жазған едік. Аталған дерек бойынша Қылмыстық кодекстің 24-бабы 3-бөлігі, яғни адам өлтіруге оқталу бойынша сотқа дейінгі тергеу амалдары басталды.

Мақаланың түпнұсқасы: https://kaz.nur.kz/society/1928129-almatyda-temirzol-qyzmetkerine-oq-atyp-zaralagan/