Соңғы деректер шықты: Қазақстанның қанша өңірі "қызыл" аймақта
Опубликовано:
Қазақстан аумағында коронавирус таралуына жол бермеу жөніндегі ВАК Тelegram каналы ел өңірлеріндегі эпидемиологиялық ахуалды бағалау матрицасын жария етті.
21 тамыздағы жағдай бойынша "қызыл" аймақта Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар, Солтүстік Қазақстан және Шығыс Қазақстан облыстары тұр.
Сондай-ақ Түркістан облысы ғана "жасыл" аймақта.
Айта кетейік, өткен тәулікте елімізде 7 117 адамнан коронавирус анықталды. Ауру жұқтырғандардың дені Алматыдан.
Осылайша, жалпы ел бойынша ауырғандар саны 730 181-ге жетті.
Еске сала кетсек, Қазақстанда сенбі күні карантин жеңілдетілуі мүмкін.
Денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова бұл мәселе тұрғысында алдағы бір аптада елдегі эпидемиологиялық жағдай назарға алынатынын жеткізді.
"Егер тұрақтану жағдайы жалғасатын болса, онда келесі сенбіден бұл шаралар қабылдануы ықтимал", - деді комитет басшысы.
Мақаланың түпнұсқасы: https://kaz.nur.kz/society/1928247-songy-derekter-syqty-qazaqstannyn-qansa-oniri-qyzyl-aimaqta/