Қозғалтқышы істен шыққан санавиация ұшағы Алматыға қонды

Санитарлық авиация ұшағы мотордың істен шығуына байланысты Алматыға қонды. Азаматтық авиация комитетінің баспасөз қызметі хабарлағандай, санитарлық рейс Алматы-Семей бағыты бойынша қозғалған деп хабарлайды KAZ.NUR.KZ.

Азаматтық авиация комитетінде хабарланғандай, Алматы-Семей бағытында ұшатын "Eastwing" әуе компаниясының Як40 типті EWZ1149 жедел жәрдем рейсі ұшып шыққаннан кейін сол жақ қозғалтқыштың істен шыққанын хабарлап, кері қайтты.

Ұшақ сәтті қонды. Бортта экипаждың бес мүшесі мен екі дәрігер болған.