RU

COVID-19: Қазақстан облыстарының бірінде карантин талаптары күшейтілді

Көшедегі адамдар
Көрнекі фото: NUR.KZ

Маңғыстау облысында карантин талаптары күшейтілді деп хабарлайды ҚазАқпарат.

Маңғыстау облысының Бас мемлекеттік санитариялық дәрігерінің 2021 жылғы 27 тамыздағы "Маңғыстау облысының аумағында карантиндік шектеу шараларын қатаңдату туралы" №19 қаулысына өзгерістер мен толықтырулар енгізілді.

Маңғыстау облысы бас санитарының қаулысына сәйкес, аймақта халыққа қызмет көрсету орталықтары 5 күндік жұмыс кестесіне ауысты. ПТР сынамасы теріс немесе бейтарап мәртебесі бар тұрғындар мемлекеттік қызметтерді кезексіз алады.

Халыққа қызмет көрсету орталықтары коронавирус инфекциясының таралуын болдырмау мақсатында жұмыс күндері сағат 09:00-ден 18:00-ге дейін адам қабылдайды. Ал сенбі, жексенбі күндері орталықтар жабық болады.

Еске сала кетейік, өткен тәулікте коронавирус инфекциясын жұқтырудың 3 639 жағдайы тіркелді.

Дертті жұқтыру бойынша ең жоғары көрсеткіштер Алматы қаласында және Қарағанды облысында тіркеліп отыр. Осылайша, елімізде коронавирус инфекциясын жұқтырғандар саны 824 118-ге жетті.

Мақаланың түпнұсқасы: https://kaz.nur.kz/society/1930952-covid-19-qazaqstan-oblystarynyn-birinde-karantin-talaptary-kuseitildi/