Top.Mail.Ru

Сайт нұсқасы

ru kz

Зектілері

Шымкентте әдістемелік орталықтың қызметкерлері тергеушіге 6 млн теңге пара бермек болған

Опубликовано:

Ақша
Көрнекі фото: NUR.KZ/Петр Карандашов

Қаржылық мониторинг агенттігі Шымкентте 36 млн теңгені жымқыру дерегін анықтады деп хабарлайды ҚазАқпарат.

Ведомствоның Шымкент қаласы бойынша аумақтық департаменті Түркістан облысы әкімдігінің білім басқармасы әдістемелік орталығының басшысы мен екі қызметкеріне, сондай-ақ, Шымкент қаласының серіктес-тұрғынына қатысты 36 млн астам теңгені жымқыру дерегі бойынша қылмыстық істі тергеп жатыр.

"Ақшалай қаражат орта мектеп оқушылары мен колледж студенттерін республикалық спорт іс-шараларына дайындау шеңберінде тамақтандыруға арналған еді. Жымқыру тиісті тізімдемеде спортшылардың қолдарын қолдан жасау арқылы жүзеге асырылды. Яғни, бюджеттен қаражат бөлінді, ал спортшыларды тиісті деңгейде даярлау жүргізілмеген", - делінген хабарламада.

Сондай-ақ, тергеу барысында айыпталушылар алдын ала сөз байласу арқылы оларға қатысты жүргізіліп жатқан тергеудің оң шешімі үшін ЭТД жедел қызметкеріне 6 млн теңге сомасында пара бермек болған.

"Әдістемелік орталықтың қызметкерлеріне 2 жылдан 7 жылға дейін бас бостандығынан айыру жазасы тағайындалды. Қазіргі уақытта қылмыстық іс Шымкент қаласының прокуратурасында. Өзге ақпарат жария етуге жатпайды", - делінген хабарламада.

Мақаланың түпнұсқасы: https://kaz.nur.kz/society/1931278-symkentte-adistemelik-ortalyqtyn-qyzmetkerleri-tergeusige-6-mln-tenge-para-bermek-bolgan/

pixel