Коронавирус: Еліміздің қанша өңірі "жасыл" аймақта тұр

Елімізде эпидемиологиялық ахуалды бағалау матрицасы жаңарды. Оған сәйкес, Қазақстанның екі облысы "жасыл" аймақта тұр. Бұл туралы COVID-19 таралуына жол бермеу жөніндегі ВАК Telegram каналында хабарланды.

20 қыркүйектегі жағдай бойынша Қазақстан өңірлеріндегі эпидемиологиялық ахуалды бағалау матрицасы келесідей орналасқан:

• "Қызыл" аймақта Нұр-Сұлтан, Алматы қалалары, Ақмола, Ақтөбе, Атырау,Қарағанды, Қостанай, Павлодар облыстары тұр.
• "Сары" аймақта Шымкент қаласы, Алматы, Маңғыстау, Қызылорда, Солтүстік Қазақстан, Батыс Қазақстан, Шығыс Қазақстан облыстары бар.
• "Жасыл" аймаққа Түркістан, Жамбыл облыстары енген.

Еске сала кетсек, өткен тәулікте елімізде 2438 адамнан коронавирус анықталды. Жалпы ел бойынша ауру жұқтырғандар саны 862 862-ге жетіп отыр.