RU

Степногорда ер адам дәмханада асқа шашалып көз жұмды

Дастархан
Көрнекі фото: pexels.com

Степногорде ер адам дәмханада асқа шашалып көз жұмды деп хабарлайды ҚазАқпарат облыстық денсаулық сақтау басқармасының баспасөз қызметіне сілтеме жасап.

Ведомствоның мәліметінше, оқиға 19 қыркүйек күні сағат 19:50 шамасында болған. Бұл туралы жедел жәрдем қызметіне әйел адам хабарласып айтқан.

"Сағат 19:58-де 102 нөміріне әйел адам қоңырау шалып, дәмханада ер адамдың жағдайы күрт нашарлап, түрі бозарып бара жатқандығын айтқан. Сонымен бірге, ол ер адамды өз көлігімен аурухана алып кеткендігін, жолда оларды жедел жәрдем бригадасы күтіп алуын сұраған", – делінген ақпаратта.

Алайда, кейбір басылымдар мен әлеуметтік желі қолданушылар жедел жәрдем қызметінің шақыру бойынша келмегенін айтуда.

"Қалада тәулік бойы жұмыс істейтін жалғыз ғана диспетчерлік бекет бар. Онда сағат 19:10 және 20:00 аралығында 103 нөміріне 13 рет қоңырау шалынған. Диспетчер қоңырауды тіркеді, бірақ бригада жолға шыққан жоқ. Өйткені 20:00-де ауруханадан хабарласып, ер адамның денесі жеткізілгенін хабарлады.

Қазіргі кезде, осы оқиғаға байланысты қызметтік тексеріс жүргізілуде", – деп толықтырды облыстық денсаулық сақтау басқармасының баспасөз қызметінен.

Мақаланың түпнұсқасы: https://kaz.nur.kz/society/1932978-stepnogorda-er-adam-damxanada-asqa-sasalyp-koz-zumdy/