RU

Сирияда жауынгерлер 15 мұғалімді ұрлап кетті

Содырлар
Көрнекі фото: Getty Images

"Сирия демократиялық күштері" күрд-араб жасағының жауынгерлері 15 мұғалімді ұрлап әкетті. Оқиға Әл-Хасака провинциясында болды деп хабарлайды РИА Новости.

Басылымның жазуынша, бұл қозғалыстың жауынгерлері Сирияның солтүстік-шығысындағы тұрғын аудандарда, атап айтқанда Камышлы қаласында рейд жүргізген.

Тексеріс нәтижесінде олар комендаттық сағатты бұзған 15 мұғалімді алып кеткен.

Ұрлау провинциядағы мемлекеттік мектептердің жабылуына қарсы наразылыққа да байланысты болуы мүмкін.

Айта кетейік, адам ұрлығы болған провинцияда билік күрд қарулы топтарына тиесілі. Оларды АҚШ әскерилері қолдайды.

Күрд қарулы топтары Әл-Хасака мен Ракка провинцияларының көп бөлігін, Алеппо мен Дейр-эз-Зор провинцияларындағы кейбір елдімекендерді, сондай-ақ Әл-Хасака мен Камышлы қалаларындағы кварталдардың көп бөлігін бақылайды.

Мақаланың түпнұсқасы: https://kaz.nur.kz/society/1934011-siriyada-zauyngerler-15-mugalimdi-urlap-ketti/