Коронавирус пневмониясынан бір тәулікте 7 адам қайтыс болды

Қазақстанда өткен тәулікте коронавирус инфекциясының белгілері бар пневмония 11 адамнан анықталып, 7 адам қайтыс болды деп хабарлайды денсаулық сақтау министрлігі.

Аталмыш дерттен 90 адам сауығып кетті.

2020 жылдың 13 наурызынан бері коронавирус пневмниясымен ауырғандар саны 75316 адамды құрады. Сондай-ақ, бұл дерттен 4807 адам қайтыс болып, 61 792 адам жазылып шықты.

Айта кетейік, Қазақстанда коронавирус жұқтырғандардың саны 880 мыңнан асты. Өткен тәулікте елімізде тағы 1 719 адамнан қауіпті індетті анықталды.

Сонымен қатар, коронавирусқа қарсы вакцина жыл сайын салыну мүмкін деген ақпарат пайда болды. Әлемдік ғалымдар екпені салып тұрған жағдайда ғана індеттен құтылуға болатынын жеткізді.