Қазақстан мен Қытай арасындағы автокөлік өткізу бекеттері жабылады

Қытай Қазақстанмен автокөлік өткізу пунктерін уақытша жабады деп хабарлайды ҚазАқпарат.

Бұл жайында Мемлекеттік кірістер комитеті ресми мәлімет таратты.

Қытайда мереке күндеріне байланысты қазақ-қытай шекарасындағы "Нұр жолы", "Достық-авто" және "Бақты" өткізу бекеттері 1-3 қазан аралығында жабық болады.

Сонымен қатар, қытай тарапында дезинфекциялық құрылғыларды қысқы маусымға дайындауға байланысты "Бақты" өткізу пункті 3-4 қазан күндері де жабық болады.

Осыған байланысты ведомство шекараны кесіп өтуге ынталы тасымалдаушылардан көршілес елдегі мерекелік шаралар есебімен өз бағыттарын алдын ала жоспарлауды сұрайды.