Жаңа қаулы: Нұр-Сұлтанда карантин жеңілдетілді

Нұр-Сұлтан қаласының бас санитарлық дәрігері Сархат Бейсенова "Шектеу және карантиндік шараларды жеңілдету туралы" жаңа қаулыға қол қойды. Құжат елоданың санитарлық-эпидемиологиялық бақылау департаментінің ресми сайтында жарияланды.

Қаулыда бұрын жарияланған нормалар да, жаңа ережелер де бар.

Осылайша, құжатқа сәйкес, астаналықтарға әлі де мекемелерде іс-шаралар өткізуге тыйым салынған.

Ashyq жобасына қатысатын мекемелерде ғана іс-шаралар өткізуге рұқсат берілген.

Боулинг орталықтары, бильярд, караоке, түнгі клубтар, тағы басқалары сияқты нысандарға баруға әлі де тыйым салынған.

Ashyq-қа қатысатын объектілерге баруға рұқсат берілген.

Жобаға қатысатын нысандар үшін келесі жұмыс кестесі қойылған:

• жұмыс күндері: Ashyq жобасына қатысатын барлық объектілер үшін сағат 00.00-ге дейін, Ashyq жобасының көшбасшыларына сағат 02.00-ге дейін;
• демалыс күндері: Ashyq жобасына қатысатын барлық объектілер үшін сағат 00.00-ге дейін, Ashyq жобасының көшбасшыларына қызметкерлер мен келушілерде қауіпсіз "жасыл" мәртебесі болған жағдайда сағат 02.00-ге дейін.

Құжатта қоғамдық көліктің жұмысы туралы ереже де бар. Енді қоғамық көліктің жұмысына барлық күндері ресми түрде рұқсат етілген – жұмыс күндері де, демалыс күндері де.

Қаулы қол қойылған күннен бастап, яғни 2 қазаннан бастап күшіне енеді. Құжаттың толық мәтінін сілтеме арқылы өтіп, оқуға болады.