RU

Қызылорда облысында заңсыз аңшылықпен айналысқан екі тұрғын ұсталды

Қару-жарақ
Фото: polisia.kz

Қызылорда облысында заңсыз аңшылықпен айналысқан екі тұрғын ұсталды деп хабарлайды Polisia.kz.

30 қыркүйек күні республикалық "Охотзоопром" мекеме қызметкерлерімен Жаңақорған аудандық полиция бөлімінің учаскелік полиция инспекторлары бірлесіп Жаңақорған ауданының аумағына рейдтік шаралар жүргізді. Нәтижесінде Жаңақорған ауданы Қандөз ауылынан оңтүстік батысқа қарай шамамен 14 шақырым жердегі "Тұрыс" деп аталатын жерде Жаңақорған ауданының екі азаматы аңшы мылтығымен заңсыз аң аулау кезінде ұсталды. 

Оқиға орнынан асхана пышағы, тіркеуде жоқ бір ұңғылы 12 калибрлі мылтық, жарық күшейткіш құрал, 24 дана патрон, 10 дана қоянға ұқсас жануарының өлі денелері және күдікті тұлғалардың мініп жүрген мотокөлігі анықталып, олар заттай дәлелдеме ретінде алынды.

Аталған дерек бойынша қылмыстық кодексінің 337-бабы 3-бөлігімен (Адамдар тобының алдын ала сөз байласуы арқылы заңсыз аң аулау дерегі) сотқа дейінгі тергеп-тексеру басталды. Тиісті сараптамалар тағайындалды.

Мақаланың түпнұсқасы: https://kaz.nur.kz/society/1935072-qyzylorda-oblysynda-zansyz-ansylyqpen-ainalysqan-eki-turgyn-ustaldy/