Top.Mail.Ru

Сайт нұсқасы

ru kz

Зектілері

Шығыс Қазақстан облысында марал атқан браконьер ұсталды

Опубликовано:

Аңшы аңшылықта77
Көрнекі фото: pixabay.com

Шығыс Қазақстан облысы Көкпекті ауданында марал атқан браконьер ұсталды деп хабарлайды ҚазАқпарат.

Полиция қызметкерлері, «Охотзоопром» РМҚК өкілдері, ШҚО Орман шаруашылығы және жануарлар дүниесі аумақтық инспекциясы мамандары бірлескен рейд жүргізді.

Шара барысында Көкпекті ауылдық округіндегі Толағай тауының маңында келе жатқан автокөлік тоқтатылған.

Тексеру барысында ауыл тұрғыны тізгіндеген көлік салонында марал еті табылды.

"9 қап ет, «Вепрь 308» маркалы карабин атыс қаруы, 10 оқ, маралдың 2 мүйізі, пышақ және балта тәркіленді. Ер адамның жабайы аңды атуға рұқсат қағаздары болмаған" , - деп хабарлады ШҚО орман шаруашылығы және жануарлар дүниесі аумақтық инспекциясының баспасөз қызметі.

Қазіргі уақытта аталған факті бойынша ҚР ҚК 337-бабы 1-бөлігіне (заңсыз аң аулау) сәйкес сотқа дейінгі тергеу амалдары басталды.

Мақаланың түпнұсқасы: https://kaz.nur.kz/society/1935192-sygys-qazaqstan-oblysynda-maral-atqan-brakoner-ustaldy/

pixel