RU

Алматы облысында жүк көлігі 81 жастағы кейуананы қағып өлтірді

Фото
Көрнекі фото: pixabay.com

Алматы облысының Байсерке кентінде 81 жастағы кейуананы көлік қағып өлтірді деп хабарлайды ҚазАқпарат.

Жол-көлік оқиғасы орнынан түсірілген видео әлеуметтік желіде тараған. Алматы облысының полиция департаменті жол-көлік оқиғасы 2 қазан күні 10:05 шамасында Іле ауданында болғанын хабарлады.

"Iveko Magirus" маркалы көліктің 38 жастағы жүргізушісі Байсерке кентінің Школьная көшесімен келе жатып, белгіленбеген орында жолдан өтіп бара жатқан 81 жастағы әйелді қағып кеткен. Кейуана оқиға орнында көз жұмды.

"ЖКО фактісі қылмыстық кодекстің 345-бабы 3-тармағы (Абайсызда адам өліміне әкеп соққан жол қозғалысы ережелерін бұзу) бойынша қылмыстық іс қозғалып, Іле АПБ-ның сотқа дейінгі тергеп-тексерудің бірыңғай тізіліміне тіркелді. Аталған факті бойынша қажетті сараптамалар тағайындалды", – деп хабарлады Алматы облысының полиция департаментінің баспасөз қызметі.

Мақаланың түпнұсқасы: https://kaz.nur.kz/society/1935228-almaty-oblysynda-zuk-koligi-81-zastagy-keiuanany-qagyp-oltirdi/