RU

Теміртауда зейнеткердің банк картасынан ақша шешіп алған бойжеткен ұсталды

Банк карталары
Көрнекі фото: NUR.KZ/Петр Карандашов

Теміртауда 22 жастағы қыз зейнеткердің банк картасынан ақша шешіп алған. Бойжеткен 120 мың теңге көлеміндегі қаражатты қолды еткен деп хабарлайды ІІМ ресми сайты Polisia.kz.

30 қыркүйекте 69 жастағы қала тұрғыны Қарағанды облысы Теміртау қаласының ПБ Ескіқалалық полиция бөліміне жүгінді. Зейнеткер белгісіз біреудің банк картасынан шоттағы барлық қаражат – 120 мың теңгені ұрлап кеткенін айтты. ҚР ҚК 188-бабы (Ұрлық) бойынша қылмыстық іс қозғалды.

4 қазанда жедел-іздестіру іс-шаралары барысында криминалдық полиция қызметкерлері күдікті 22 жастағы бойжеткенді анықтап, ұстады. Ол қылмысын мойындады.

Анықталғандай, күдікті зейнеткерге күнделікті мәселелерді шешуге көмектесіп жүрген. Жәбірленушінің банк картасына қол жеткізе отырып, ол жаңа ғана алған зейнетақысын шешіп алған. Қазіргі уақытта тергеу жүргізілуде.

Мақаланың түпнұсқасы: https://kaz.nur.kz/society/1936065-temirtauda-zeinetkerdin-bank-kartasynan-aqsa-sesip-algan-boizetken-ustaldy/