Ақмола облысында 18 жастағы жасөспірім жеті адамды алдады деген күдікке ілінді

Көкшетауда полицейлер алаяқтыққа байланысты қылмыстар сериясына күдікті 18 жастағы жергілікті тұрғынды ұстады деп хабарлайды Polisia.kz.

15 қыркүйекте жергілікті тұрғын Степногорск қалалық полиция басқармасына көмек сұрап жүгінген, ол белгісіз адам хабарландырулар сайтында "Пәтер жалдау" бөлімінде 40 мың теңгесін алдап алғанын айтқан.

Тергеу мәліметінше, күдікті танымал интернет-қосымшаны пайдаланып, арам пиғылсыз азаматтардың ақшасын иемденген.

Қыркүйектен қазанға дейін оның әрекетінен барлығы жеті адам шығынға батқан.

Қолда бар ақпаратқа сәйкес, алдау схемасы келесідей болды: күдікті "Пәтер жалға беремін" бөлімінде жәбірленушілермен мәміле шарттарын талқылап, содан кейін оған алдын ала төлемді әртүрлі банк карталарына жіберуді сұрайды.

Осыдан кейін "жалға беруші" кенеттен жоғалып кетеді, ал көрсетілген телефон нөмірі сөніп тұрады.

Барлық фактіге қатысты Қылмыстық кодекстің 190-бабы (Алаяқтық) бойынша сотқа дейінгі өндіріс басталды.

Мақаланың түпнұсқасы: https://kaz.nur.kz/society/1936811-aqmola-oblysynda-18-zastagy-zasospirim-zeti-adamdy-aldady-degen-kudikke-ilindi/