RU

Көкшетаудағы газ жарылысы: дәрігер зардап шеккен адамның жағдайы туралы айтты

Дәрігер
Көрнекі фото: piqsels.com

Көкшетауда бес қабатты тұрғын үйде газ-ауа қоспасының жарылуы салдарынан зардап шеккен адамның жағдайы орташа ауыр деп хабарлайды ҚазАқпарат.

Ақмола облыстық көпбейінді ауруханасы директорының орынбасары Дмитрий Чайковтың айтуынша, ауруханаға жарылыстан кейін күйік шалған әйел түскен.

"Оның жағдайы орташа ауырлықта. Денесінің 20 пайызын (аяқтарын) күйік шалған. Ол есін біледі, жағдайы тұрақты, жалпы палатаға жатқызылды. Науқас барлық қажетті емді толық көлемде алуда" , - деді Д.Чайков.

Ал екінші зардап шегуші ауруханаға жатқызылған жоқ.

Еске сала кетсек, кеше Көкшетау қаласының Көктем шағын ауданындағы бес қабатты тұрғын үйде газ жарылды. Одан екі адам зардап шекті.

Мақаланың түпнұсқасы: https://kaz.nur.kz/society/1936896-koksetaudagy-gaz-zarylysy-dariger-zardap-sekken-adamnyn-zagdaiy-turaly-aitty/