RU

Алматы әуежайында ұшақ пен көлік соқтығысты: Әуе кемесінде кімдер отырғаны анықталды

Ұшақ пен көлік
Фото: facebook.com/saken.zhusupbek

Бүгін Алматы әуежайында ұшақ пен көлік соқтығысып қалды. Әуе кемесінде "Қайрат" футбол клубының жаттықтырушылары мен футболшылары отырғаны белгілі болды деп жазады zakon.kz.

"Расыменде "Қайрат" футбол клубының футболшылары мен жаттықтырушылар штабы бортта болды. Абырой болғанда ешкім зардап шекпеді. Команда біраз уақыт ұшақта отырды, содан кейін клубтың базасына кетті. Кешке 24 қазан, жексенбі күні өтетін "Қайрат" - "Астана" маңызды матчының алдындағы жаттығу болады", - деді "Қайрат" ФК баспасөз қызметі.

Одан бөлек, клубтың баспасөз қызметі футболшылар мен жаттықтырушылар Бакуден ұшып келгенін айта кетті. Олар Конференция лигасының топтық кезеңінде "Қарабаққа" қарсы кездесу өткізген.

Айта кетейік, Алматы әуежайындағы оқыс оқиға бүгін, 22 қазанда болды.

Көліктегі полиция департаментінің мәліметінше, аталған фактіге қатысты Қылмыстық кодекстің 344-бабы, 1-бөлігі (Әуе көлігі жүрісі немесе оны пайдалану қауіпсіздігі қағидаларын бұзу) бойынша сотқа дейінгі тергеу басталды.

Мақаланың түпнұсқасы: https://kaz.nur.kz/society/1938469-almaty-auezaiynda-usaq-pen-kolik-soqtygysty-aue-kemesinde-kimder-otyrgany-anyqtaldy/