RU

Алматыда 5 қабатты тұрғын үй өртенді

Өрт сөндіруші
Көрнекі сурет: NUR.KZ / Петр Карандашов

Алматыда бес қабатты тұрғын үйден өрт шықты. Төтенше оқиғадан зардап шеккендер мен қаза тапқандар жоқ деп хабарлайды ҚазАқпарат.

Алмалы ауданының өрт сөндіру бөліміне бүгін сағат 16.42-де Жібек жолы даңғылы, 188 үйде өрт шыққаны туралы хабарлама түсті. Өрттің жоғарғы қабат пен көрші пәтерлерге жайылу қаупі туындады. Өрт 25 шаршы метрді шарпыған. Пәтерде жиһаз бен ағаш заттар өртенген. Өртті сөндіруге 6 техника, автобаспалдақ, 28 өрт сөндіруші жұмылдырылды.

Өрт толығымен сағат 17.34-те сөндірілді. Төтенше оқиғадан зардап шеккендер мен қаза тапқандар жоқ.

Мақаланың түпнұсқасы: https://kaz.nur.kz/society/1938869-almatyda-5-qabatty-turgyn-ui-ortendi/