RU

Бұрынғы қызметкерлері Марк Цукерберг отбасын сотқа берді

Цукерберг пен Чан
Цукерберг пен Чан. Фото: Daniel Acker/Bloomberg via Getty Images

Facebook бас директоры Марк Цукерберг пен оның әйелі Присцилла Чанның отбасында жұмыс істеген екі адам миллиардерлер мен олардың жанұясымен байланысты көптеген корпоративтік құрылымға қарсы сотқа шағым түсірді деп хабарлайды NBC News.

Шағымдар Цукерберг компаниялары қызметкерлерді жыныстық қудалау мен кемсіту үшін жауап береді деп мәлімдейді. Екі сот ісінде де Чан мен Цукерберг жауапкер ретінде көрінеді.

Талапкерлер – Миа Кинг және Джон Доу есімді ер адам.

Өткен айда Сан-Франциско округінің Жоғарғы сотына берілген шағымдар туралы алғаш рет сейсенбіде Insider хабарлады.

Чан-Цукерберг отбасының өкілі Бен ЛаБолт "бұл айыптарды растау мүмкін емес" деді. Оның айтуынша, отбасылық кеңсе "жұмыс орнындағы орынсыз мінез-құлық туралы шағымдарды өте байыпты қабылдайды және мұндай мәселелердің барлығын дереу тексереді".

"Біздің кадрлар бөлімі қызметкерлеріне түскен кез келген шағым мұқият қабылданады және зерттеледі. Біз отбасылық кеңседе жұмыс істейтін кәсіби мамандар командасын мақтан тұтамыз және әріптестерімізді әділетсіз қорлауға бағытталған бұл шағымдардың сәтсіз болатынына сенімдіміз", – деді ол.

Мақаланың түпнұсқасы: https://kaz.nur.kz/society/1939243-buryngy-qyzmetkerleri-mark-cukerberg-otbasyn-sotqa-berdi/