RU

Алматыда жасөспірімдер арасындағы жанжал пышақтасумен аяқталды

пышақ
Көрнекі фото: NUR.KZ/Петр Карандашов

Алматыда жасөспірімдер арасындағы жанжал пышақтасумен аяқталды, деп хабарлайды KAZ.NUR.KZ тілшісі қалалық полиция департаментінің баспасөз қызметіне сілтеме жасап.

Полиция аталған фактіні Алатау аудандық полиция басқармасына қарасты полиция бөлімі Қылмыстық кодекстің 106-бабы (Денсаулыққа қасақана ауыр зиян келтіру) бойынша сотқа дейінгі тергеп-тексерудің бірыңғай тізіліміне (СДТБТ) тіркегенін хабарлады.

"Жанжал жасөспірімдер арасында туындаған. Салдарынан екеуі пышақ жарақатын алды. Күдікті анықталып, қолға түсті. Сараптамалар тағайындалды. Тергеу жұмыстары жалғасып жатыр", - дейді Алматы қалалық полиция департаментінің баспасөз қызметі.

Айта кетейік, 27 қазан күні Алматы облысы Пенжім ауылында 9 және 10-сынып оқушыларының арасында жаппай төбелес болды.

Салдарынан 16 жастағы жеткіншек зардап шегіп, ауруханаға жеткізілді. Аталған фактіге қатысты Қылмыстық кодекстің 106-бабы 2-бөлігі бойынша (Денсаулыққа қасақана ауыр зиян келтіру) қылмыстық іс қозғалды.

Кейін Алматы облысының полиция департаменті оқиғаның мән-жайын айтты. Құзырлы органның мәліметінше, бір топ адам бірқатар жекеменшік үйдің терезесін, сондай-ақ бірнеше көлікті сындырған.

Қазір аталмыш фактіге қатысты "Адамдар тобымен жасалған бұзақылық" бабы бойынша қылмыстық іс қозғалған.

Мақаланың түпнұсқасы: https://kaz.nur.kz/society/1939440-almatyda-zasospirimder-arasyndagy-zanzal-pysaqtasumen-ayaqtaldy/