RU

Елордада бір тәулік ішінде 125 жол апаты тіркеліп, үш адам зардап шеккен

Жол апаты
Көрнекі фото: "Ақ Жайық" басылымы

Елордада ауа-райы қолайсыздығы салдарынан бір тәулік ішінде 125 жол-көлік оқиғасы тіркелді. Жол апаттары салдарынан үш адам зардап шекті деп хабарлайды Нұр-Сұлтан қаласы полиция департаментінің баспасөз қызметі.

Таңғы сағат 07.00 бастап 35 жол-көлік оқиғасы орын алды.

Кеше, сағат 20.00-де 36 жастағы "Шансиман" маркалы автокөлігінің жүргізуші Тәуелсіздік көшесімен Қалдаяқов көшесіне қарай келе жатып, көктайғақтың салдарынан көлік тізгініне ие бола алмай, бетон-арматуралық құрылғыға соқтығысты. Жол-көлік оқиғасында жүргізуші зардап шеккен жоқ.

Ауа-райының қолайсыздығына және көктайғақтың орын алуына байланысты Нұр-Сұлтан қаласының полиция департаменті жүргізушілерге қозғалыс кезінде барынша мұқият әрі сақ болуды, жылдамдық режимін, қауіпсіз ара қашықтықты, маневр жасау және бүйірлік интервал қағидасын бұлжытпай сақтауды ескертеді.

Дымқыл асфальт жүргізушілер үшін - ең қауіпті болып табылады. Жолдың төсеніші тайғанақ, оның үстіне түнгі қатқақтар басталды. Мұндай жағдайлар көлік құралдарының тежеу жолының ұлғаюына әкеп соқтырады. Жолдарда қауіпсіз қозғалысты қамтамасыз ету мақсатында елордалық полиция қызметкерлері автокөлік құралдарының иелеріне көліктерінің жазғы шиналарын қысқы шиналарға ауыстыруды ұсынады.

Сондай-ақ, тәртіп сақшылары аяу жүргіншілерді де барынша мұқият болуды ескертеді.

Мақаланың түпнұсқасы: https://kaz.nur.kz/society/1940345-elordada-bir-taulik-isinde-125-zol-apaty-tirkelip-us-adam-zardap-sekken/