RU

1000-нан астам адам жүргізуші куәлігін сатып алған: ІІМ мәлімдеме жасады

Көлік
Көрнекі фото: piqsels.com

БАҚ беттерінде Ақмола және Қостанай облыстарының мамандандырылған ХҚКО-ларында мыңнан астам адам жүргізуші куәлігін сатып алғаны туралы ақпарат тарады. Осыған байланысты Ішкі істер министрлігі хабарлама жасады, деп хабарлайды Polisia.kz.

"Екі жылдан астам уақыттан бері полиция жүргізушілікке үміткерлерден теориялық және практикалық емтихандарды қабылдауға қатыспайды. Полиция қызметкерлері ведомстволық есепке алу бойынша жүргізуші куәлігін алуға үміткерлерді жүргізуші куәлігінен айыру және басқа да мәлімет алу тұрғысынан ғана тексеруді жүзеге асырады", – деп мәлімдеді ІІМ әкімшілік полиция комитеті.

Ведомство өкілдерінің айтуынша, бұл жүргізуші куәліктерін беру кезінде азаматтардың полициямен байланысын азайту және сыбайлас жемқорлық фактілерін болдырмау үшін жасалады. Қабылданған шаралардың нәтижесінде соңғы үш жылда сыбайлас жемқорлық қылмыстар саны 43%-ға төмендеген.

Естеріңізге сала кетейік, бұған дейін сыбайлас жемқорлыққа қарсы қызмет өкілдері азаматтардың орнына жүргізуші куәлігін алу үшін емтихан тапсырған мамандандырылған ХҚКО қызметкерлерін анықтады.

Емтиханды сәтті тапсыру үшін арнайы дайындалған басқа адамдар тартылған. Заңсыз іспен айналысқан күдіктілерден Жол қозғалысы ережелері бойынша емтиханнан сәтті өтті деген жалған анықтамалар тәркіленді.

"Жол ережесін білмейтін жүргізушілер азаматтарға айтарлықтай қауіп төндіреді. Сондықтан көлік тізгініне отырғысы келетіндер оларға жүктелетін жауапкершілікті сезінуі керек. Азаматтардан жолдарда сақ болып, жол ережесін қатаң сақтауды сұраймыз", – деді полицияда.

Мақаланың түпнұсқасы: https://kaz.nur.kz/society/1940346-1000-nan-astam-adam-zurgizusi-kualigin-satyp-algan-iim-malimdeme-zasady/