Тұман мен қатты желге байланысты елдің бес өңірінде дауылды ескерту жарияланды

Бүгін, 8 қарашада тұман мен қатты желге байланысты Қазақстанның бес өңірінде дауылды ескерту жарияланды. Тиісті хабарламаны "Қазгидромет" РМК ресми сайты жариялады.

8 қарашада Қостанай облысында оңтүстік-батыстан жел соғады, күші облыстың солтүстігінде және орталығында 15-20, түнде екпіні 23-28 м/с күтіледі. Ал Қостанай қаласында оңтүстік-батыстан жел соғад, түнде екпіні 15-20 м/с күтіледі.

Ал Ақмола облысының солтүстігінде, оңтүстік-шығысында және орталығында оңтүстік-батыстан жел соғады, күші 15-20, түнде екпіні 25 м/с күтіледі. Көкшетау қаласында оңтүстік-батыстан жел соғады, күші 15-20, түнде екпіні 23 м/с күтіледі.

8 қарашада түнде Түркістан облысының оңтүстік және тау бөктерлі аудандарында тұман күтіледі.

Солтүстік Қазақстан облысында оңтүстік-батыстан жел соғады, күші 15-20, екпіні 23-28 м/с күтіледі. Петропавл қаласында оңтүстік-батыстан жел соғады, күші 15-20, екпіні 23 м/с күтіледі.