Бұрқасын, тұман, көктайғақ: Еліміздің алты өңірінде дауылдық ескерту жарияланды

Синоптиктер Қазақстанның алты өңірінде дауылдық ескерту жариялады, деп хабарлайды KAZ.NUR.KZ тілшісі "Қазгидромет" РМК баспасөз қызметіне сілтеме жасап.

Мамандардың болжамынша, 19 қарашада Солтүстік Қазақстан облысының солтүстік-батысында бұрқасын күтіледі. Оңтүстік-батыстан жел соғады, күндіз күші 15-20 м/с, облыстың батысында екпіні 23 м/с.

19 қарашада түнде Қарағанды облысының солтүстігінде, шығысында, орталығында бұрқасын күтіледі. Сондай-ақ, облыстың батысында, оңтүстігінде тұман күтіледі. Оңтүстік-батыстан, батыстан жел соғып, түнде облыстың шығысында екпіні 15-20 м/с дейін жетуі мүмкін.

19 қарашада Қызылорда облысының солтүстігінде және орталығында тұман күтіледі.

19 қарашада таңертең және күндіз Алматы облысының солтүстік-шығысында, оңтүстігінде көктайғақ болып, облыстың оңтүстігі мен шығысында жел тұрып, екпіні 15-20 м/с дейін жетуі мүмкін.

19 қарашада Ақмола облысының солтүстік-батысында тұман күтіледі. Жел солтүстік-батыстан соғып кейін оңтүстік-батысқа ауысуы ықтимал, облыстың солтүстік-батысында күндіз екпіні 15-20 м/с дейін жетуі мүмкін.

19 қарашада Батыс Қазақстан облысының солтүстігінде тұман, көктайғақ күтіледі. Жел оңтүстік-шығыстан, оңтүстіктен соғады, күндіз екпіні 15-20 м/с.