ДДСҰ қолданыстағы вакциналар "омикрон" штамынан қорғайтынын мәлімдеді

Дүниежүзілік денсаулық сақтау ұйымы осы уақытқа дейін "омикрон" штамын жұқтырғаннан кейін бірде-бір өлім тіркелмегенін мәлімдеді деп хабарлайды РИА Новости.

"Бүгінгі күнге дейін "омикрон" штамына байланысты өлім болған жоқ", – делінген ұйым хабарламасында.

Дүниежүзілік денсаулық сақтау ұйымының сарапшылары, сонымен қатар, коронавирус инфекциясына қарсы қолданыстағы вакциналар ауыр сырқаттан немесе өлімнен қорғай алатынын қосты.

"Белгісіздікке қарамастан, қазіргі уақытта қолда бар вакциналар ауру мен өлімнен белгілі бір қорғаныс береді деп болжауға болады", – деп растады ұйым.