Қазақстанда жаңа "омикрон" штамы анықталды ма

Опубликовано:

Сынамалар
Көрнекі фото: Amilcar Orfali/Getty Images

Қазақстанда "омикрон" штамы анықталған жоқ. Бұл туралы денсаулық сақтау бірінші вице-министрі Марат Шоранов айтты, деп хабарлайды ҚазАқпарат.

"Бүгінде Қазақстанда омикрон штамы анықталған жоқ. Вирусты секвенациялау жалғасып жатыр. Біз бұл жұмысты ай сайын тұрақты жүргізіп келеміз. Бүгін Үкімет отырысында аталған штамдарды секвенациялау жұмысын жалғастыру әрі жандандыру туралы қосымша шешім қабылданды. Таяу уақытта, шамамен желтоқсанның үшінші онкүндігінде бұл процедуралардың нәтижесін білетін боламыз. Әзірше тіркелген жағдайлардан омикрон штамының ПТР тестілеуге сезімтал екендігі, оны анықтауға болатындығы белгілі.
Демек ПТР тестілеу барлық пациенттен штамды анықтауға мүмкіндік береді. Бұл үшін вирус секвенациясына қосымша зерттеу жүргізу қажет. Бұл үлкен жұмысты қажет етеді. Шамамен 2-4 апта кетеді. Сондықтан бұл жұмысты бастадық. Желтоқсанның соңында Қазақстан аумағында айналымда жүрген штамм түрлеріне қатысты толық картина қолымызда болады" , - деді ол үкімет отырысынан кейін.

Мақаланың түпнұсқасы: https://kaz.nur.kz/society/1944639-qazaqstanda-zank-omikron-stamy-anyqtaldy-ma/