Top.Mail.Ru

Сайт нұсқасы

ru kz

Зектілері

Таразда жын-шайтандардан қорыққан 42 жастағы әйел үйіне тонналап тұз төгіп тастады

Опубликовано:

Көрнекі сурет
Көрнекі сурет: cems.kz

Баспанасын тұзға толтырып, дәретін терезеден төгетін тараздық тұрғыннан көршілері құтыла алмай жүр. Қоңсыластардың сөзінше, ақыл-есінің кемістігі бар 42 жастағы келіншек пәтеріне тонналап тұз жинап қойған деп хабарлайды КТК арнасы.

Көп қабатты үйде бес жылдан бері бірге тұратын көршілері жалғызбасты келіншектің пәтеріне бірінші мәрте бас сұғып аң-таң болған. Екі бөлменің қақ ортасына көлемі тоннадан асатын тұз төгіліп, айналасына шашылып жатыр. Тұрғындар такси арқылы көршісінің тұзды қабымен алдырғанын көріп жүріпті. Бірақ мұншалықты жиналады деп ойламаған.

Жалғызбасты келіншектің пәтеріндегі әжетханаға да отырмайтыны белгілі болды. Көршілерінің айтуынша, ол ыдысқа үлкен де, кіші дәретін сындырып, оны далаға терезеден төгеді екен. Одан бұл әрекетін доғаруды талап еткенімен, еш нәтиже шықпаған.

"Ол кісі бізге "сайтансыңдар" дейді. Оның түсінігінде біз үйге жылан жіберіппіз. Содан қорқып дәретханаға да отырмайды екен. Ол ылғи: "Сендер жіберген жын-сайтанды қууым керек" деп, есік-терезені ашып, жоралғыларын жасап жүреді. Оған тұз сол үшін керек көрінеді", - дейді көршісі Әлия Қалауова.

Ауылдастарының айтуынша, 42 жастағы келіншектің ақыл-есі кем. Ол анда-санда болмаса, далаға көп шықпайды. Оған азық-түліктің де қалай жеткізілетінін түсінбеген көршілері дәулетті туыстары бар екеніне сенімді. Оны үйдегі қымбат жиһаздардан аңғарыпты.

Екі қоңсылас бір-бірінің үстінен арыз түсіріп, түбінде кемістігі бар кісіні психдиспансерге алып кеткен. Енді ол ем алып болған соң қайта оралады. Ал көпшілік оны қалап отырған жоқ. Өйткені кейде далаға жалаңаш шығып кететін ауытқуы бар адам балалар өміріне де қауіпті дейді.

Сондықтан, тығырыққа тірелген тұрғындар 42 жастағы келіншектің туыстары келіп, оны қарауына алса дейді.

Мақаланың түпнұсқасы: https://kaz.nur.kz/society/1944805-tarazda-zyn-saitandardan-qoryqqan-42-zastagy-aiel-uiine-tonnalap-tuz-togip-tastady/

pixel