"Зейнетақы жинағын шешпегендердің үміті аяққа тапталды": Сарапшы БЖЗҚ жариялаған өзгерістерге пікір білдірді

Саяси шолушы Ғазиз Әбішев зейнетақы жинақтарын шешіп алуға арналған ең төменгі жеткіліктілік шегінің өсуіне қатысты пікір білдірді. Оның айтуынша, БЖЗҚ бұл шектің мөлшерін 70%-дан артық шамаға бір-ақ көтерген, деп жазады KAZ.NUR.KZ тілшісі.

Оның пікірінше, көбірек ақша жинап алмақ болып, зейнетақы жинағынан ақшасын шешпеген азаматтар үшін бұл өзгеріс ауыр тиген.

"Баспана алуға сәл көбірек ақша жинау үшін зейнетақы жинақтарын шешуге асықпаған азаматтардың үмітін мемлекет аяққа таптады. БЖЗҚ жеткіліктілік шегін 70%-дан да көп сомаға өсіріп жіберді. Құрылыс базарларынан ақша сорды, зейнетақы жинақтарынан түк қалдырмады, жалақысы жоғары азаматтарға жинаған ақшаларын алуға мүмкіндік берді. Сақ және жинақы болудың уақыты келді" - деп жазды Әбішев өзінің Telegram-каналында.