Илон Маск көмірқышқыл газын отынға айналдыру бағдарламасы іске қосылғанын хабарлады

Опубликовано:

Илон Маск
Илон Маск. Фото: Getty Images/ picture alliance / Contributor

Миллиардер Илон Маск Twitter-де көмірқышқыл газын отынға айналдыру бағдарламасын іске қосып жатқанын хабарлады.

"SpaceX атмосферадан СО2-ны шығарып, оны зымыран отынына айналдыру бағдарламасын іске қосуда. Егер қызықтырса, қосылыңыз", – деп жазды Маск Twitter-де.

Марстың атмосферасы негізінен көмірқышқыл газынан тұратындықтан, бұл идеяны жүзеге асыру өте пайдалы болуы мүмкін. Масктың өзі Қызыл планетаға ұшу мен қоныстандыру туралы жиі айтады. Time журналы биылғы жылды қорытындылай келе, Илон Маскқа "Жыл адамы" атағын берді.

Жақында миллиардер өзінің соңғы жылжымайтын мүлкін – Калифорниядағы вилласын сатты. Содан кейін БАҚ оны "үйсіз" деп атады. Сондай-ақ Маск, Цукерберг және Сергей Брин сияқты әлемдегі ең бай адамдар көп жылдан кейін алғаш рет өз акцияларын жаппай сата бастағаны белгілі болды. Бұл АҚШ-тың салық заңнамасының болжамды өзгеруіне және акциялардың нарықтық құнының күрт секіруіне байланысты.

Мақаланың түпнұсқасы: https://kaz.nur.kz/society/1946825-ilon-mask-komirqysqyl-gazyn-otynga-ainaldyru-bagdarlamasy-iske-qosylganyn-xabarlady/