Еліміздің бас шыршасы қашан жағылатыны белгілі болды

Нұр-Сұлтан қаласының әкімдігі Қазақстанның бас шыршасы қашан жағылатынын мәлім етті деп хабарлайды KAZ.NUR.KZ.

Әкімдікте хабарлағандай, бас шыршаны жағу рәсімі 19 желтоқсан күні сағат 19:00-де ЭКСПО көрмесінің аумағында, "Нұр Әлем" сферасының жанында өтеді.

Аталған шараға елорда тұрғындары мен қонақтары қатыса алады.

"Бағдарламада ресми және концерттік бөлім қарастырылған. Концерттік бағдарламаға қазақстандық эстрада жұлдыздары қатысады", - делінген әкімдік хабарламасында.

Айта кетейік, биылғы бас шыршаның биіктігі 25 метрді құрайды.