Елордадағы мектептерге Дінмұхамед Қонаев бастаған танымал тұлғалардың есімі берілмек

Нұр-Сұлтан қаласындағы бірнеше мектепке белгілі қайраткерлердің есімі беру жоспарлануда. Үкімет қаулысы Ашық НҚА сайтында қоғамдық талқылауға шығарылды.

Үкімет қаулысына сәйкес:

• "Нұр-Сұлтан қаласындағы "№ 11 мектеп-лицей" коммуналдық мемлекеттік мекемесіне Өзбекәлі Жәнібековтің;
• "№ 49 орта мектеп" коммуналдық мемлекеттік мекемесіне Қошке Кемеңгерұлының, "№ 69 мектеп-гимназия" коммуналдық мемлекеттік мекемесіне Кемел Ақышевтың;
• "№ 2 балалар музыка мектебі" мемлекеттік коммуналдық қазыналық кәсiпорнына Роза Бағланованың;
• "№ 3 балалар музыка мектебі" мемлекеттік коммуналдық қазыналық кәсiпорнына Ермек Серкебаевтың;
• "№ 66 мектеп-лицей" шаруашылық жүргізу құқығындағы мемлекеттiк коммуналдық кәсiпорнына Дінмұхамед Қонаевтың;
• "№ 77 мектеп-гимназия" шаруашылық жүргізу құқығындағы мемлекеттiк коммуналдық кәсiпорнына Фариза Оңғарсынованың;
• "№ 83 мектеп-гимназия" шаруашылық жүргізу құқығындағы мемлекеттiк коммуналдық кәсiпорнына Ыбырай Алтынсариннің есімін беру жоспарлануда.

Айта кетейік, қоғамдық талқылау 23 желтоқсанға дейін жалғасады.