Ақтауда Land Cruiser әйел мен баланы қағып өлтірді: жаңа мәліметтер пайда болды

Ақтауда әйел мен баланың өліміне әкеп соққан жол апатына қатысты жаңа мәліметтерді Маңғыстау облысының полиция департаменті хабарлады. Дәрігерлер де оқиға туралы ақпаратты бөлісті деп хабарлайды Lada.kz.

Облыстық ПД мәліметінше, Toyota Land Cruiser тізгіндеген күдікті 49 жастағы әйел болып шықты. Апат кезінде жүргізуші мас болмаған.

Маңғыстау облыстық балалар ауруханасының травматология және ортопедия бөлімінің меңгерушісі Құрман Қайрановтың айтуынша, оқиғадан кейін 5 жасар қыз аталған ауруханаға жеткізіліп, дәрігерлер бір жарым сағат бойы баланың өмірі үшін күрескен.

Кішкентай науқас өте ауыр жағдайда, клиникалық өлім жағдайында түскен.

Оған ауыр қатар жүретін жарақат, жабық бассүйек-ми жарақаты, іш қуысының доғал жарақаты, асқазанның, бауырдың, көкбауырдың жыртылуы, ішкі қан кету, геморрагиялық және травматикалық шок диагнозы қойылған.

"Балаға шұғыл ота жасалды. Қыздың көкбауырын алып тастады. Қан құйылды, бірақ қанша тырысқанымен оны аман алып қалу мүмкін болмады", – деді Құрман Қайранов.