Бекшиннің қызметін уақытша кім атқаратыны белгілі болды

Жандарбек Бекшин еңбек демалысына шыққан соң Алматы қаласы бас санитарлық дәрігерінің міндетін кім атқаратыны белгілі болды, деп жазады KAZ.NUR.KZ тілшісі мегаполистің санитариялық-эпидемиологиялық бақылау департаментінің баспасөз қызметіне сілтеме жасап.

Ведомствоның хабарлауынша, Бекшин еңбек демалысына шыққан соң оның міндетін департамент басшысының орынбасары Қарлығаш Әбдіжаббарова атқарады.

"Санитариялық-эпидемиологиялық бақылау комитетінің бұйрығына сәйкес, Бекшин Жандарбек Мұхтарұлы 27 желтоқсан мен 4 қаңтар аралығында еңбек демалысында болған кезде оның міндетін атқару Қарлығаш Әбдіжаббароваға жүктелді", - делінген СЭБД баспасөз қызметінің хабарламасында.

Еске сала кетсек, бұған дейін Алматының бас санитарлық дәрігері Жандарбек Бекшиннің 5 қаңтардан бастап зейнетке шығатыны хабарланған еді.