Шымкент тұрғыны мемлекетке миллиард теңге шығын келтірген

Шымкент тұрғыны мемлекетке 1 млрд теңге залал келтіргені үшін сотталды. Істің мән-жайын қаржы мониторингі агенттігінің баспасөз қызметі мәлімдеді деп хабарлайды KAZ.NUR.KZ.

Агенттіктің Шымкент қаласы бойынша аумақтық департаменті салық төлеуден жалтару мақсатында жосықсыз кәсіпкерлерге жалған шот-фактуралар жазып берген азамат Махатаевтың заңсыз әрекетінің жолын кесті.

Тергеу мәліметтері бойынша, Махатаев 2017-2020 жылдар аралығында өзінің туыстары мен таныстарының атына "Мейір құрылыс", "Тыныштық 2018", "Элит Капитель", "МАГМА-2018", "Ашимов и Ко", "A L A T A U K", "S-Industry", "БЕС ҚАСҚА", "ЖОРҒА 2019", "ИНТЕРТРАНССЕРВИС-2020", "Eхcellent", "УГАМ 2018", "005", "Эверест К" ЖШС 14 кәсіпорынды тіркеген.

Аталған кәсіпорындар контрагенттерге төлемдерді төлеуден жалтаруға жәрдемдесу үшін және кәсіпкерлік қызметті жүзеге асыру мақсатынсыз құрылған.

Бұл фирмалардың кеңселері, қызметкерлер штаты, өндірістік-техникалық базасы және қоймалық үй-жайлары болмаған.

Заңсыз әрекеттердің нәтижесінде мемлекетке 1 млрд теңгеден астам мөлшерде залал келтірілді.

Махатаев 4 жылға бас бостандығынан және 10 жылға кәсіпкерлік қызметпен айналысу құқығынан айырылды.

Келтірілген залал сомасы мемлекет кірісіне айналдырылды.