Елімізде 5 қаңтардан бастап жаңа шектеулер енгізу ұсынылды
Опубликовано:
Қазақстанда 2022 жылдың 5 қаңтарынан бастап жаңа шектеулер енгізу ұсынылды, деп хабарлайды KAZ.NUR.KZ тілшісі.
Бұл туралы үкімет отырысында денсаулық сақтау министрі міндетін атқарушы Жандос Бүркітбаев мәлімдеді.
Ұсынылған жаңа ережеге сәйкес, Ashyq-та жасыл мәртебесі жоқ қазақстандықтарға белгілі бір мекемелерге, сондай-ақ фитнес орталықтарына, банктерге және халыққа қызмет көрсету орталықтарына кіруге шектеу қойылады.
"2022 жылғы 5 қаңтардан бастап кіруге рұқсат беруге қатысты қосымша шаралар енгізу ұсынылады - тек Ashyq-та жасыл мәртебесі бар тұлғаларға ғана келесі жерлерге кіруге рұқсат берілмек:
- сауда және ойын-сауық орталықтарына, сауда орталықтарына, сауда желілеріне;
- спорт-сауықтыру және фитнес орталықтарына, йога орталықтарына;
- караокеге;
- бассейндерге;
- сауналарға, моншаларға;
- банктерге;
- Қазпошта бөлімшелеріне;
- Халыққа қызмет көрсету орталықтарына", - деді Жандос Бүркітбаев.
Мақаланың түпнұсқасы: https://kaz.nur.kz/society/1948837-elimizde-5-qantardan-bastap-zana-sekteuler-engiziledi/