Нұр-Сұлтан қаласында мереке күндері автобустар қалай жүреді

Қаңтар айының басында яғни мереке күндері елордада қоғамдық көліктердің қалай жүретіні белгілі болды, деп хабарлайды KAZ.NUR.KZ.

Бұл ақпаратты Нұр-Сұлтан қаласында жолушы тасымалымен айналысатын City Transportation Systems компаниясының баспасөз қызметі бөлісті.

"Құрметті жолаушылар! Алдағы мереке, 1, 2, 3, 4 және 7 қантар күндері қоғамдық көлік демалыс күнінің кестесімен жүреді. Яғни, жолаушылар ағынының төмендеуіне байланысты желіге аз автобустар шығарылады.

Маршруттарыңызды алдын ала жоспарлап, міндетті түрде бетперде тағу режимін сақтауды сұраймыз. Автобусқа бетпердесіз кіруге болмайды. Жол ақысы қолма-қол ақшасыз төленеді: көліктік карта көмегімен немесе QR-код сканерлеу арқылы", - делінген хабарламада.