Еліміздің бірнеше өңірінде дауылдық ескерту жарияланды

Опубликовано:

Фото
Көрнекі фото: NUR.KZ/Владимир Третьяков

Синоптиктер 29 желтоқсанда Қазақстанның бірнеше өңірінде ауа райына байланысты дауылдық ескерту жариялады, деп жазады KAZ.NUR.KZ тілшісі "Қазгидромет" РМК баспасөз қызметіне сілтеме жасап.

Метеорологтардың мәліметінше, 29 желтоқсанда Ақтөбе облысының солтүстік-батысында, солтүстігінде тұман түсуі ықтимал.

Ақмола облысының оңтүстігінде, шығысында бұрқасын күтіледі. Оңтүстік-батыстан, батыстан жел соғып, облыстың шығысында екпіні 15-20 м/с дейін жетуі мүмкін.

Қызылорда облысының орталығында, оңтүстігінде, Батыс Қазақстан облысының солтүстігінде тұман түсуі ықтимал.

29 желтоқсанда Қарағанды облысының солтүстігінде бұрқасын, облыстың оңтүстік-шығысында, орталығында тұман күтіледі.

Еске сала кетсек, бұған дейін синоптиктер 28-30 желтоқсанға арналған ауа райы болжамын ұсынып, елімізде 32 градусқа дейін аяз болуы мүмін екенін болжаған еді.

Мақаланың түпнұсқасы: https://kaz.nur.kz/society/1948980-elimizdin-birnese-onirinde-dauyldyq-eskertu-zariyalandy/