Top.Mail.Ru

Сайт нұсқасы

ru kz

Зектілері

Алматыда екі метро станциясының техникалық ашылуы өтті (фото)

Опубликовано:

Сағынтаев
Фото: Алматы қаласы әкімдігіның баспасөз қызметі

Алматыда "Сарыарқа" және "Б. Момышұлы" метро станцияларының техникалық ашылуы өтті, деп хабарлайды KAZ.NUR.KZ тілшісі Алматы қаласы әкімдігінің баспасөз қызметіне сілтеме жасап.

Жаңа станциялар - Алматы метрополитенінің екінші іске қосу кешенінің нысандары, оның дайындығы қазіргі кезде 96 пайыздан асады. Мегаполис әкімі Бақытжан Сағынтаев жұмыс сапары барысында метрополитеннің жаңа станцияларының дайындығын тексеріп, олардың техникалық іске қосылуына қатысты.

Алматы
Фото: Алматы қаласы әкімдігіның баспасөз қызметі

Жол Абай даңғылының астында, Алтынсарин даңғылынан Яссауи көшесіне дейінгі батыс бағытта орналасқан. Ол аралық тоннельдерден, "Сарыарқа" және "Б. Момышұлы" станцияларынан тұрады. Желі учаскесінің ұзындығы – 3.08 шақырым.

Метро
Фото: Алматы қаласы әкімдігіның баспасөз қызметі

"Сарыарқа" станциясы "Фэмили" паркінің ауданында орналасқан, терең төселген, пилон типті, қозғалысы шектеулі топқа жататын адамдар үшін 2 лифті, 8 экскалаторы бар екі кіру тобынан тұрады.

"Б. Момышұлы" станциясы Абай даңғылының астында, Момышұлы көшесінің батысында орналасқан. Шағын құрылыс станциясы, колонна типті. Ол екі жерасты лоббиінен және алты кіру тобынан тұрады. 6 лифт және 15 эскалатор қарастырылған.

Бүгінде негізгі құрылыс-монтаждау жұмыстары аяқталды, іске қосу-жөндеу жұмыстары басталды, сәулет-әрлеу жұмыстары, инженерлік желілер, автоматика жүйелері және пайдалану жабдығын монтаждау аяқталу сатысында.

бекет
Фото: Алматы қаласы әкімдігіның баспасөз қызметі

Метрополитен жолаушыларына жайлы және қауіпсіз жағдайлар жасау үшін қолданыстағы метрополитенмен автоматика жабдықтары мен жүйелерін біріктіруді, сондай-ақ электр жылжымалы құраммен жолдар бойынша домалатуды қамтитын іске қосу-жөндеу жұмыстары қарастырылған.

Сағынтаев
Фото: Алматы қаласы әкімдігіның баспасөз қызметі

Бұл станциялар қаланың халық тығыз орналасқан аудандарында орналасқан, пайдалануға беру кезінде жолаушылар ағыны күніне 40 мың адамнан 86 мың адамға дейін артады деп күтілуде. Осылайша, жалпы қаланың көше-жол желісі мен көлік инфрақұрылымының жүктемесін бірнеше есе азайтады.

Еске салсақ, бұған дейін Тәуелсіздіктің 30 жылдығына орай Тұңғыш Президент күні мен Алматы метрополитенінің 10 жылдығына орай 8 жаңа электр жылжымалы құрам пайдалануға берілген болатын. Оларды оңтүстік кореялық Hyundai Rotem компаниясы Алматы метрополитені үшін арнайы өндірген. Бүгінде метрополитенде 15 пойыз жұмыс істейді.

Мақаланың түпнұсқасы: https://kaz.nur.kz/society/1949364-almatyda-eki-metro-stanciyasy-texnikalyq-iske-qosyldy-foto/

pixel