Тоқаев: Үкіметтік комиссия Ақтауда жұмысқа кірісті

Үкіметтік комиссия Маңғыстау облысындағы мәселеге қатысты өз жұмысына кірісті. Бұл туралы мемлекет басшысы Қасым-Жомарт Тоқаев өзінің Twitter парақшасында хабарлады.

"Құрамында президент әкімшілігінің қызметкерлері бар үкіметтік комиссия Ақтауда жұмысқа кірісті. Республикалық оперативтік штаб тұрақты негізде жұмыс істеп жатыр. Комиссияға еліміздегі тұрақтылықты сақтай отырып, туындаған мәселе бойынша өзара тиімді шешім шығару жүктелді.

Құқық қорғау органдарына қоғамдық тәртіптің бұзылуына жол бермеу жөнінде тапсырма берілді. Демонстранттар жауапкершілік танытып, диалогқа дайын болуға тиіс", - деп жазды президент.